tomas kok
عضو
عدد المساهمات : 8
نقاط : 1024824
السٌّمعَة : 1
تاريخ التسجيل : 09/05/2010
 | موضوع: جوه القلب يا بابا شنودة  الثلاثاء يوليو 20, 2010 4:03 pm | |
| 1- زى ما قلنا ألف سلامه
ودعينا ربِّنا يشفيك
بنقول حمد الله عا السلامه
كُلِّنا هِنا بنرَحَّب بيك
يا سبعتاشر بعد الميَّه
من باباوات إسكندريه
إنت هديه وغيبتَك دِيَّه
ماتتكرّرشى الله يخلِّيك
القرار
بينيوت إثؤواب إم باطريارشيس
بابا آفا شينوتى بى آرشى إيرفس
إنتَ أبونا الغالى البابا القِدِّيس
أب حنَيِّن دايماً بولادَك بِتحِس
جُوَّه القلب يا بابا شنوده ... ياللى إيديك بالخير ممدوده
يا خليفة مارِمرقُس
2- طِفل صغيَّر إسمه نظير
متميِّز ومالوهشى نظير
وبَقَى البابا شنوده التالت
خِطَّة إلهيه وتدبير
الرَّب إلهنا إللى إختار
كان ساندك طول المشوار
إللى إبتدى ويَّاك آهو كَمِّل
لسنين تانيه يا بابا كتير
3- ياناسِك مـ الدَّرجه الأولى
شيخ. وتصلى كتير وتصُوم
وعلاقتك بالدِّير موصوله
بتروح خِلوه لحَد اليوم
إنتَ غريب عايش فى الدَّنيا
والدُّنيا مش عايشَه فـ قلبَك
مش بتفوت من عُمرك ثانيه
غير لَمَّا بِتكَلِّم رَبَّك
4—إنت الحُزن ماتِعرَفهوش
والهم إنتَ مابتشيلهوش
وعليك خِفِّة دَم عَجيبَه
كُلَّك طيبَه وديع وبَشوش
مِن كُتر بَساطتك مِتحَيَّر
إنسان قلبَك قلب ملاك
وعليك ضِحكة طِفل صغيَّر
تِضحك وتِضَحَكنا مَعاك
5- وِعِظاتَك فى طَريقنا علامه
وكلامَك يا أبانا روحانى
يا بابا شنوده يا عَلاَّمه
يا ذهبى الفَم التَّانى
علاَّمه بجد وموسوعَه
وَعَظات مَرئيَّه ومسموعه
وكُتب لاهوتيَّه وروحيَّه
تعاليم جُوَّانا مَزروعَه
6- ومخَصَّص يوم فى الأسبوع
تيجى تكلِّمنا فـ موضوع
يوم الأربَع نيجى ونِسمَع
نيجى تِقَدِّم لينا يسُوع
نسأل وإنتَ تقول إجابات
وتفَسَّر فى كتابنا آيات
وِفـ لَجنة البِر. بِتَفسَك
بتقَدِّم لينا مُساعدات
7- وأديب وبتِكتِب أشعار
فَنَّان ومُثَقَّف وحَكيم
ومُفَكِّر عَندَك أفكار
ومُُفَسِّر ليك فِكر سَليم
بتحارب البِدع اللاهوتيَّه
مش بس بحرومات كنسيه
زى ما قالت الدسقوليه
تمحو الإثم بالتعليم
8- أيوه إنتَ صلاه زى داود
على رَبَّك دايماً مًسنود
تِتألِّم وتقول لِلخير
وِشعارَك رَبِّنا موجود
وجراح شعبَك حاسس بيها
تِتألِّم وبِتِبكى عليها
وبتُطلُب رَبِّنا يِدَّخَل
يِسمعلَك وقَوام يداويها
9- بَلَدَك دى فـ قلبَك ياراعينا
وِف كُل مَكان بِتروح لِيه
بتقول مصر دى بتعيش فينا
مش بس وَطن بنعيش فيه
وطنى. ومين ينسالَك مين
قلت أنا مش هاجى فلسطين
غير لمَّا تِرجَع لِصحابها
ونُدخُلَّها مع بَعض .آمين
10- أديرَه عَمرانَه برُهبان
وكنايس فى كل مكان
كل ده حاصِل بَس فـ عَهدَك
نُور كنيستنا للكون بان
والإعلام إهتَمِّيت بيه
لَمساتَك آهى باينَه عليه
كل الدُّنيا شايفَه أغابى
والعالَم بيشوف سى تى فى
الترنيمة صوت :
جوا القلب يا بابا شنودة | |
|
Admin
عضو مميز جدا
عدد المساهمات : 318
نقاط : 1062125
السٌّمعَة : 0
تاريخ التسجيل : 07/11/2009
العمر : 32
| | موضوع: رد: جوه القلب يا بابا شنودة الإثنين أغسطس 09, 2010 11:49 pm | |
| شكرااااااااااااااااااااااااااااااا ليك ربنا يبارك تعب محبتكك | |
|
